Қаржы сауаттылық

Аннуитет шарты

Сақтандырушы шартпен белгіленген мерзім ішінде Пайда алушының пайдасына кезең-кезеңді төлемдер түрінде сақтандыру төлемін жүзеге асыруға міндетті сақтандыру шарты. Аннуитет шарты ерікті сақтандыру шарттарына жатады.

Аннуитеттік сақтандыру

Аннуитеттік сақтандыру, осы баптың 2-4-тармағында көрсетілген сақтандыру түрін қоспағанда, шартта белгіленген мерзім ішінде пайда алушының пайдасына мерзімді төлемдер түрінде мерзімді сақтандыру төлемдерін жүзеге асыруды көздейтін жинақтаушы сақтандыру түрлерінің жиынтығын білдіреді.

Бонустық сатып алу сомасы

Қағидаларға сәйкес сақтандыру дивидендтерінің мөлшерінен шыға отырып анықталатын сақтандыру шартымен кепіл берілмеген сатып алу сомасы.

Жазатайым жағдай

Жазатайым жағдай дегеніміз - адамның ерік-жігеріне қарамастан басталған, сақтандырылушының организміне сырттан оның денсаулығына зиян келуіне, мертігуіне не өліміне әкеліп соққан механикалық, электрлік, химиялық немесе термикалық әсер етуі салдарынан кенеттен болған, қысқа мерзімді оқиға (жағдай).

Жазатайым оқиғалардан сақтандыру

ауру жағдайына сақтандыруды қосапағанда, сақтандырылушы жазатайым жағдайдың, кәсіби аурудың салдарынан қайтыс болған, еңбек ету (жалпы немесе кәсіптiк жағынан) қабiлетiн (толық немесе iшiнара) жоғалтқан немесе сақтандырылушының денсаулығына өзге де зиян келтiрiлген жағдайларда оның шығыстарын тіркелген сомада және (немесе) iшiнара немесе толық өтемi мөлшерiнде сақтандыру төлемiн жүзеге асыру көзделетiн сақтандыру түрлерiнің жиынтығы.

Жинақтық сақтандыру

қайсысы бірінші болып туындауына байланысты, сақтандыру оқиғасы туындаған кезде не сақтандыру шартымен көзделген өзге оқиға туындаған кезде, соның ішінде сақтандыру шартымен белгіленген кезең өткеннен кейін сақтандыру төлемін жүзеге асыруды көздейтін сақтандыру.

Мүгедектік

Мүгедектiк - организм функциялары тұрақты бұзылып, денсаулықтың бұзылуы салдарынан адамның тiршiлiк-тынысының шектелу дәрежесi.

Пайда алушы

сақтандыру шартына немесе міндетті сақтандыру туралы заңнамалық актілерге сәйкес сақтандыру төлемін алушы болып табылатын тұлға. Пайда алушы болып заңды тұлға, сонымен бірге азамат бола алады. Пайда алушы жеке болсын, сонымен бірге мүліктік сақтандыру бойынша тағайындалуы мүмкін. Міндеттті түрлері бойынша Пайда алушы сақтандырудың осы түрін реттейтін заңнамалық актілермен айқындалады, ерікті түрлері бойынша сақтанушымен тағайындалады.

Сатып алу сомасы

Сатып алу сомасы - жинақтаушы сақтандыру шартының қолданылу мерзiмiнен бұрын тоқтатылған кезде сақтанушының алуына құқығы бар ақша сомасы.

Сақтандыру агенті

сақтандыру агенттерінің тізіліміне енген және тапсырыс шарты негізінде бір немесе бірнеше сақтандыру ұйымдарының атынан және олардың тапсыруымен сақтандыру шарттарын жасасу жөніндегі делдалдық қызметті жүзеге асыратын жеке немесе заңды тұлға.

Сақтандыру дивидендтері

Компанияның ішкі құжаттары және ережелеріне сәйкес есептелген Компанияның табысын бөлу есебінен тиесілі сақтандыру шартымен кепіл берілмеген ақша сомасы.

Сақтандыру ережелерi

Сақтандыру ережелерi - сақтандыру ұйымының белгiлi бiр сақтандыру түрi бойынша сақтандыруды жүзеге асыру талаптарын айқындайтын құжаты.

Сақтандыру оқиғасы

сақтандырушының сақтанушыға немесе пайда алушыға сақтандыру төлемін жүргізу міндеттемесі туындайтын сақтандыру шартымен көзделген оқиға.

Сақтандыру оқиғасы ретінде қаралатын оқиға, жинақтық сақтандыру шартымен көзделуі мүмкін оқиғалардан басқа, ықтималдық және оның туындауының кездейсоқтығы белгілеріне ие болуы тиіс.

Сақтандыру полисінің жылдығы

күні және айы сақтандыру полисі берілген күннің күнімен және айымен сәйкес келетін сақтандыру шарты әрекет ететін кезеңге келетін әр жылдың күні.

Сақтандыру сомасы

сақтандыру объектісі сақтандырылған және сақтандыру оқиғасы туындаған кезде сақтандырушы жауапкершілігінің шекті көлемі болып табылатын ақша сомасы.

Сақтандыру сыйлықақысы

Сақтанушыға (пайда алушыға) сақтандырушы сақтандыру немесе аннуитет шартымен анықталған көлемде сақтандыру төлемін жүзеге асыруға міндеттемелерді қабылдағаны үшін сақтанушы сақтандырушыға төлеуге міндетті ақша сомасы.

Сақтандыру төлемі

сақтандыру оқиғасы не жинақтық сақтандыру шартында анықталған мерзім туындаған кезде сақтандыру сомасы шегінде сақтандырушымен сақтанушыға (пайда алушыға) төленетін ақша сомасы.

Сақтандыру төлемдерін жүзеге асыру тәртібі және мерзімі шартпен анықталады. Сақтандырудың міндетті түрлері бойынша олар заңнамалық актілермен анықталуы мүмкін.

Сақтандыру шарты, сақтандыру полисі

сақтанушы және сақтандыру компаниясы арасында құқықтық қатынастардың туындауын растайтын және сақтандыру талаптарын анықтайтын құжаттар. Сақтандыру шарты бойынша бір тарап (сақтанушы) сақтандыру сыйлықақысын төлеуге міндеттенеді, ал екінші тарап (сақтандырушы) сақтандыру оқиғасы туындаған кезде шартпен белгіленген сома (сақтандыру сомасы) шегінде сақтанушыға немесе пайдасына шарт жасалған өзге тұлғаға (пайда алушыға) сақтандыру төлемін жүзеге асыруға міндеттенеді.

Сақтандыру ұйымы (компаниясы)

уәкілетті органның тиісті лицензиясы негізінде сақтандыру шарттарын жасасу және орындау бойынша қызметті жүзеге асыратын заңды тұлға.

Сақтандырушы

сақтандыру оқиғасы туындаған кезде шартпен белгіленген соманың шегінде пайдасына сақтандыру шарты жасасқан сақтанушыға немесе өзге тұлғаға сақтандыру төлемін жүзеге асыруға міндетті тұлға.

Сақтандырылған адам

Сақтандырылған адам - өзіне қатысты сақтандыру жүзеге асырылатын тұлға.

Егер шартта өзгеше көзделмесе, сақтанушы бiр мезгiлде сақтандырылған адам болып табылады.

Сақтанушы

сақтандырушымен сақтандыру шартын жасасқан тұлға. Сақтанушы болып заңды тұлғалар және азаматтар бола алады.

Төленген сақтандыру полисі

Қағидалармен көзделген жағдайларда алдында берілген полистің орнына сақтандыру жарналарын төлеуді мерзімінен бұрын тоқтату кезінде Сақтандырушы Сақтанушыға беретін полис